"საზაფხულო პროგრამა 2026"-ის ფარგლებში პადელით დედაქალაქში მცხოვრები ახალგაზრდები ისარგებლებენ.

აქტივობაში ჩართვის შემთხვევაში რეგისტრირებულ პირებს ექნებათ შესაძლებლობა 25 ივნისიდან 25 ივლისამდე, 18:00 – 21:00 საათის შუალედში ერთჯერადად ისარგებლონ პადელით.

პადელით სარგებლობის ხანგრძლივობა - 1 საათი.

აქტივობაში ჩართვა შესაძლებელია 18-29 წლის თბილისში მცხოვრები ახალგაზრდებისათვის.

პროექტზე მონაწილეობის მოთხოვნის გამოგზავნის შემდეგ, ინფორმაციას მოთხოვნის დადასტურების/უარყოფის შესახებ მიიღებთ ელ-ფოსტის მეშვეობით.

რეგისტრირებულ ახალგაზრდებს პროგრამის წარმომადგენელი თავად დაეკონტაქტება და შესთავაზებს პადელით სარგებლობის თარიღს.

პროგრამაში მეწყვილესთან ერთად ჩართვის შემთხვევაში აუცილებელია ორივე პირის რეგისტრაცია.

რეგისტრაციის მოთხოვნის გამოგზავნამდე დარწმუნდით, რომ სრულყოფილად შეავსეთ თქვენი Youthtbilisi.ge-ს პროფილი.

რეგისტრაციის ბოლო ვადაა 20 ივნისის 23:59 საათი.

საზაფხულო პროგრამები თბილისის სპორტისა და ახალგაზრდობის ცენტრის მიერ თბილისის მერიის მხარდაჭერით ყოველ ზაფხულს ტარდება და ათასობით ახალგაზრდას აძლევს შესაძლებლობას სრულიად უსასყიდლოდ ჩაერთონ სპორტულ-საგანმანათლებლო აქტივობებში.