"დებატების საზაფხულო სკოლა 2026“ გულისხმობს ინიციატივას, რომლის ფარგლებშიც სტუდენტები, ტრენინგ სესიებისა და პრაქტიკული სავარჯიშოების საფუძველზე გაიუმჯობესებენ და განივითარებენ დებატების, საჯარო გამოსვლებისა და ლიდერულ უნარებს. პროექტის განმავლობაში გათვალისწინებულია დებატების ტურინირს გამართვა, რომელში მონაწილეობას პროექტის ბენეფიციარები მიიღებენ. ღონისძიებაზე დარეგისტრირება შეუძლიათ მხოლოდ თბილისში მოქმედი უმაღლესი სასწავლებლების სტუდენტებს.

(შესაბამისი კრიტერიუმების გათვალისწინებით, რომლებიც ქვემოთ არის მოცემული).

➡️ პროექტის ფარგლებში შერჩეული სადებატო თემები შეეხება წარმომადგენლობით დემოკრატიას, თვითმმართველობებთან და არჩევნებთან დაკავშირებულ საკითხებს, რაც ბენეფიციარებში ზემოაღნიშნული თემატიკებთან მიმართ ცნობიერების ამაღლებას ემსახურება.

💡 ვის აქვს პროექტში მონაწილეობის უფლება?

პროექტიში მონაწილეობის უფლება თბილისში მოქმედი უნივერსიტეტების იურიდიული ფაკულტეტის სტუდენტებს (ბაკალავრიატის საფეხური).

🗒️ ზოგადი დღის წესრიგი

პროექტის ძირითადი ეტაპი განხორციელდება ხაშურის მუნიციპალიტეტის სოფელ ქვიშხეთში, სასტუმრო კომპლექს "საგულე რეზორტი“, სადაც პროექტის მონაწილეები 4 დღის განმავლობაში გაივლიან სპეციალურად "დებატების საზაფხულო სკოლისთვის“ შექმნილ სატრენინგო პროგრამას. "დებატების საზაფხულო სკოლა 2026“ განრიგი:

- 31.07.2026 - 14:00-18:00 - სატრენინგო სესიები

- 01.08.2026 - 10:00-18:00 - სატრენინგო სესიები

- 02.08.2026 - 10:00-18:00 - შესარჩევი სადებატო შეხვედრები

- 03.08.2026 - 10:00-16:00 - ფინალური ეტაპის სადებატო შეხვედრები.

🚨 შემოსული განცხადებების გადარჩევა:

პროექტში მონაწილეთა მსურველთა შერჩევა მოხდება ორ ეტაპად.

პირველ ეტაპზე:

- აპლიკანტი უნდა იყოს თბილისში მოქმედი რომელიმე უნივერსიტეტის იურიდიული ფაკულტეტის საბაკალავრო საფეხურის აქტიური სტატუსის მქონე სტუდენტი;

- განაცხადების გადარჩევის პროცესში უპირატესობა მიენიჭებათ ისეთ აპლიკანტებს, რომლებსაც წარსულში დებატებთან დაკავშირებულ თემატურ ღონისძიებებში, საგანმანათლებლო პროექტებსა თუ ტურნირებში მონაწილეობის გარკვეული გამოცდილება უკვე აქვთ.

მეორე ეტაპზე:

- თითოეულ შერჩეულ სტუდენტს, დამატებით დაევალება სპეციალური აპლიკაციის შევსება, რომელიც რამდენიმე თემატურ შეკითხვას მოიცავს, რათა შემოწმდეს სტუდენტების პროექტის განსაზღვრულ მიზნებთან შესაბამისობა.

☑️ საუკეთესო შედეგის მქონე 30 სტუდენტს პროექტის ორგანიზატორი ორგანიზაციის მიერ მითითებულ ელ-ფოსტაზე მიუვათ დასტურის წერილი.

ყურადღება:

პროექტის ფარგლებში უზრუნველყოფილია:

- სტუდენტების ტრანსპორტირება (თბილისი-ქვიშხეთი-თბილისი);

- სასტუმრო კომპლექსში განთავსება;

- კვება;

- საჭირო ინვენტარითა და მასალით აღჭურვა.