ციფრული იმუნიტეტისა და თანამედროვე კომუნიკაციების სკოლა წარმოადგენს საგანმანათლებლო-პრაქტიკულ ციკლს, რომელიც მიზნად ისახავს, თბილისის მასშტაბით, სტუდენტების აღჭურვას იმ აუცილებელი უნარებით, რაც საჭიროა 21-ე საუკუნის კომპლექსურ საკომუნიკაციო გარემოში ეფექტური ნავიგაციისთვის.

სკოლას გაუძღვება:

ევროპული აკრედიტაციის მქონე ფსიქოთერაპევტი, ასოცირებული პროფესორი, პოლიტიკის მეცნიერების დოქტორი,

PR-ის მიმართულებით 25 წელზე მეტი გამოცდილების მქონე სპეციალისტი, "პიარ ფსიქოლოგიის“ და მონოგრაფიის "PR და ეროვნული უსაფრთხოების გამოწვევების“ ავტორი — მაგდა კოტრიკაძე.

სკოლის ფარლგებში განხილული იქნება ისეთი საკითხები როგორებიცაა:

1. კომუნიკაციის ფორმები თანამედროვე სამყაროში;

2. სოციალური ფსიქოლოგია – ინდივიდი სოციუმში;

3. NLP ტექნიკები (ნეიროლინგვისტური პროგრამირება);

4. ტყუილი და მისი ამოცნობა;

5. საჯარო გამოსვლა და კონფლიქტების მართვა.

პროექტში მონაწილეთა შერჩევა მოხდება CV-სა და სამოტივაციო წერილის საფუძველზე.

მოთხოვნის გამოგზავნის შემდეგ კანდიდატებმა მიმდინარე წლის 30 დეკემბრის 23:59 საათამდე ფაილის სახით უნდა გადმოაგზავნონ CV და სამოტივაციო წერილი (გაგვიზიარეთ თქვენი მოლოდინები და მოტივაცია), ელ-ფოსტაზე: [email protected] (Subject line: სახელი გვარი, ციფრული იმუნიტეტისა და თანამედროვე კომუნიკაციების სკოლა)

ჯამში შეირჩევა 40 მონაწილე, რომლებიც გაიყოფიან 2 სამუშაო ჯგუფად (თითო ჯფუში იქნება 20 მონაწილე).

სკოლა გაიმართება შაბათ-კვირაობით, შემდეგ თარიღებში:

24.01.2026 - 25.01.2026 და 31.01.2026 - 01.02.2026 (ჯამში 4 შეხვედრა, სამუშაო ენა - ქართული).

სკოლის დასრულების შემდგომ, თითოეულ მონაწილეს გადაეცემა ორენოვანი სერტიფიკატი.

სკოლა წარიმართება შემდეგ მისამართზე:

თბილისი, წინანდლის N9, საქართველოს ეროვნული უნივერსიტეტი სეუ.

რეგისტრაციის ბოლო ვადაა 30.12.2025