თბილისის სპორტისა და ახალგაზრდობის ცენტრი "საზაფხულო პროგრამების“ ფარგლებში ახალგაზრდებს სთავაზობდა სხვადასხვა აქტივობებში მონაწილეობის შესაძლებლობას. 2023 წლის ზაფხულში კარტინგის, ჯომარდობის, ლაშქრობის, საცურაო აუზის, ჩოგბურთის აქტივობებში ჩართული იყო 4000-მდე ბენეფიციარი. 

საზაფხულო ახალგაზრდული პროგრამების მიზანია ზაფხულის პერიოდში ხელი შეუწყოს ახალგაზრდებში ახალი უნარ-ჩვევების განვითარებას, საგანმანათლებლო, სპორტულ და კულტურულ აქტივობებში მონაწილეობას, ცხოვრების ჯანსაღი წესის პოპულარიზაციას, ახალგაზრდების გართობისა და აქტიური დასვენების ხელშეწყობას.

საზაფხულო პროგრამების ფარგლებში დედაქალაქში მცხოვრებ ახალგაზრდებს სრულიად უსასყიდლოდ შეუძლიათ ჩაერთონ სხვადასხვა სპორტულ-რეკრეაციულ აქტივობებში მათი ინტერესების გათვალისწინებით.