თბილისის მერიის მხარდაჭერით, 2026 წლის 12-18 იანვარს, თბილისის მაცხოვრებელი 15-17 წლის ახალგაზრდებისთვის, კულტურის და განათლების ფონდისა და ეროვნული სასახლის მიერ სურამში ტარდება "ზამთრის კინობანაკი". პროექტში მონაწილეობას კონკურსის საფუძველზე შერჩეული 30 ახალგაზრდა მიიღებს.

პროფესიონალი კინომცოდნის მიერ ჩატარებული ლექციები შეეხება კინოენის ევოლუციას, კინოს ჟანრებსა და მათ ძირითად მახასიათებლებს ფილმში, საავტორო და მეინსტრიმული კინოს ურთიერშეპირისპირებას, მონტაჟის ძირითად სახეებს, ფერის დანიშნულებას კინოში, კადრის გამომსახველობას, საოპერატორო ხელოვნებას და სხვ.

პროექტის მნიშვნელოვანი ნაწილია კინოჩვენებების შემდგომი, მოდერირებული დისკუსიები და ვორქშოფები, რომელთა საშუალებითაც მონაწილეებს განუვითარდებათ კრიტიკული, შემოქმედებითი და ანალიტიკური აზროვნების უნარები.

პროექტი სრულად დაფინანსებულია ქალაქ თბილისის მუნიციპალიტეტის მერიის მიერ.

სამოტივაციო წერილის გამოგზავნისა და 16 წლამდე მსურველების რეგისტრაციისთვის, გთხოვთ ეწვიოთ ბმულს https://wkf.ms/4q17lik

ბანაკის სპეციფიკიდან გამომდინარე, მონაწილეთა შერჩევა მოხდება გასაუბრების საფუძველზე