თბილისის მერიის მხარდაჭერით, 2025 წლის 4-დან 10 თებერვლამდე, თბილისის მაცხოვრებელი 17-22 წლის ახალგაზრდებისთვის, კულტურის და განათლების ფონდისა და ა(ა)იპ ახალგაზრდობის ეროვნული სასახლის მიერ, ბაკურიანში ტარდება „ზამთრის კინობანაკი“. 6 დღიანი ბანაკი დაბა ბაკურიანში ჩატარდება და მასში მონაწილეობას კონკურსის საფუძველზე შერჩეული 28 ახალგაზრდა მიიღებს.

პროფესიონალი კინომცოდნის მიერ ჩატარებული ლექციები შეეხება კინოს, როგორც სინთეზურ ხელოვნებას, მის ისტორიას, საზოგადოებრივ გავლენას და საეტაპო ნამუშევრებს. სხვა მნიშვნელოვან საკითხებთან ერთად განხილული იქნება ამბის თხრობის სტრუქტურა და სპეციფიკა, განსხვავება ლიტერატურულ გმირსა და კინოგმირს შორის, კინოენის ევოლუცია, საავტორო და ჟანრული კინო, ქართული კინოს ისტორია იდეოლოგიურ დისკურსში, ფერთა თეორია, სიმბოლიკა და სხვ.

პროექტის მნიშვნელოვანი ნაწილია კინოჩვენებების შემდგომი, მოდერირებული დისკუსიები და ვორქშოფები, რომელთა საშუალებითაც მონაწილეებს განუვითარდებათ კრიტიკული, შემოქმედებითი და ანალიტიკური აზროვნების უნარები.

პროექტი სრულად დაფინანსებულია ქალაქ თბილისის მუნიციპალიტეტის მერიის მიერ.

გთხოვთ, სისტემაში რეგისტრაციის შემდეგ, გამოაგზავნოთ სამოტივაციო წერილი https://wkf.ms/3AZxmKU

ბანაკის სპეციფიკიდან გამომდინარე, მონაწილეთა შერჩევა მოხდება გასაუბრების საფუძველზე