თბილისის მერიის მხარდაჭერით და ეროვნულ სასახლესთან თანამშრომლობით, 2025 წლის 10-16 ივლისს, თბილისის მაცხოვრებელი 15-17 წლის ახალგაზრდებისთვის, კულტურის და განათლების ფონდის მიერ ტარდება "ზაფხულის კინობანაკი“.

6 დღიანი ბანაკი დაბა ბაკურიანში ჩატარდება და მასში მონაწილეობას კონკურსის საფუძველზე შერჩეული 30 ახალგაზრდა მიიღებს. პროფესიონალი კინომცოდნის მიერ ჩატარებული ლექციები შეეხება კინოს, როგორც სინთეზურ ხელოვნებას, მის ისტორიას, საზოგადოებრივ გავლენას და საეტაპო ნამუშევრებს. სხვა მნიშვნელოვან საკითხებთან ერთად განხილული იქნება საეკრანო პერსონაჟის სპეციფიკა, კადრის კომპოზიციური აგებულება, აუდიო-ვიზუალური კომპონენტები, მონტაჟის როლი ფილმში, დრამატურგიის ძირითადი ელემენტები და სხვ.

პროექტის მნიშვნელოვანი ნაწილია კინოჩვენებების შემდგომი, მოდერირებული დისკუსიები და ვორქშოფები, რომელთა საშუალებითაც მონაწილეებს განუვითარდებათ კრიტიკული, შემოქმედებითი და ანალიტიკური აზროვნების უნარები.

პროექტი სრულად დაფინანსებულია ქალაქ თბილისის მუნიციპალიტეტის მერიის მიერ.

16 წლამდე ასაკის პირებს, გთხოვთ გაიაროთ რეგისტრაცია ბმულზე https://wkf.ms/4mII5MO

გთხოვთ, სისტემაში რეგისტრაციის შემდეგ, გამოაგზავნოთ სამოტივაციო წერილი https://wkf.ms/4mII5MO

ბანაკის სპეციფიკიდან გამომდინარე, მონაწილეთა შერჩევა მოხდება გასაუბრების საფუძველზე