დარეგისტრირდი საიტზე როგორც მოხალისე, შექმენი შენი პროფილი და ჩაერთე სხვადასხვა ორგანიზაციის მიერ შემოთავაზებულ აქტივობებში ღილაკზე თითის ერთი დაჭერით!

პროექტები

ახალგაზრდა ინოვატორთა ბანაკი

ახალგაზრდებში ინოვაციური სამეწარმეო იდეების განვითარების ხელშეწყობის მიზნით 3 სექტემბრიდან 7 სექტემბრის შუალედში ჩატარდება &ldquo;ახალგაზრდა ინოვატორთა ბანაკი&ldquo;, რომელიც აქტიურ ახალგაზრდებს გააერთიანებს.
ბანაკის ფარგლებში სამეწარმეო იდეის განვითარების შესაძლებლობა ექნებათ მეწარმეობით დაინტერესებულ ახალგაზრდებს, სადაც ისინი გაეცნობიან ინოვაციური იდეიის შექმნისთვის და მართვისთვის აუცილებელ საკითხებს. შემაჯამებელ შეხვედრაზე მონაწილეები წარმოადგენენ ბიზნეს მოდელის მიხედვით შემუშავებულ სამეწარმეო იდეებს.
ბანაკი 5 დღისა და4 ღამის განმავლობაში გაგრძელდება, იგი დატვირთული იქნება როგორც საგანმანათლებლო ისე სპორტული აქტივობებით.
ბანაკში ჩართვა შესაძლებელია 18-29 წლის თბილისში მცხოვრები ახალგაზრდებისათვის. რეგისტრაციის პროცესი მოიცავს ორ კომპონენტს:
1.რეგისტრაცია - პროექტზე მონაწილეობის მოთხოვნის გამოგზავნა ვებ-საიტის Youthtbilisi.ge-ს მეშვეობით (ღილაკზე &ldquo;დარეგისტრირდი მონაწილედ&rdquo; დაკლიკებით).
2.სამოტივაციო წერილი - მოთხოვნის გამოგზავნის შემდეგ კანდიდატებმა 7 ივლისის 23:59 საათამდე უნდა გადმოაგზავნონ სამოტივაციო წერილი 500 სიტყვის მოცულობით ელ-ფოსტაზე: Tbilisisyc@gmail.com (Subject line: სახელი გვარი ახალგაზრდა ინოვატორთა ბანაკი)
აქტივობაში ჩართვის მოთხოვნის დადასტურების/უარყოფის შესახებ ინფორმაციას რეგისტრირებული პირები ელ-ფოსტის მეშვეობით 20 ივლისამდე მიიღებენ. შერჩეულ ახალგაზრდებს პროგრამის წარმომადგენელები თავად დაეკონტაქტებიან და მიაწვდიან ტექნიკურ ინფორმაციას ბანაკთან დაკავშირებით.
რეგისტრაციის მოთხოვნის გამოგზავნამდე დარწმუნდით, რომ სრულყოფილად შეავსეთ თქვენი Youthtbilisi.ge-ს პროფილი.
რეგისტრაციის ბოლო ვადაა 7 ივლისის 23:59 საათი.
აქტივობა ხორციელდება &ldquo;საზაფხულო პროგრამები 2024-ის&rdquo; ფარგლებში.
საზაფხულო პროგრამები თბილისის სპორტისა და ახალგაზრდობის ცენტრის მიერ თბილისის მერიის მხარდაჭერით ყოველ ზაფხულს ტარდება და ათასობით ახალგაზრდას აძლევს შესაძლებლობას სრულიად უსასყიდლოდ ჩაერთონ სპორტულ რეკრეაციულ აქტივობებში.
პროექტზე პასუხისმგებელი პირი: ზაზა ზაზანაშვილი
ტელ: 555450085

გარისობა / გადარჩენის ხელოვნება

პროგრამა &quot;გარისობა 2024&quot; საშუალებას აძლევს 14 დან 19 წლამდე მოზარდებს გაეცნონ სალაშქრო და თვითგადარჩენის პრინციპებს ასევე გამოსცადონ საკუთარი შესაძლებლობები ველურ ბუნებასთან პირისპირ ჭიდილში. მონაწილეები გარისობა 2024 ის პროგრამის ფარგლებში გაენობიან:თვითგადარჩენის დაწყებით საფეხურებს: წყალი, ცეცხლი, საკვები, თავშესაფარი;ნავიგაცია: რუკის კითხვა და ორიენტირებას;პირველადი დახმარების საკითხებს;სამთო მომზადების საბაზისო საკითხებს;ბანაკად დგომისა და საველე საქმიანობის წესებს; &quot;გარისობა 2024&quot; ჩატარდება 4 ეტაპად საქართველოს დაცულ ტერიტორიებზე (ალგეთის ეროვნული პარკი, ბირთვისის კანიონი, ბორჯომ-ხარაგაულის ტყეპარკი), ოთხივე ეტაპი არის თითო, ორ დღიანი ლაშქრობა ღამის თავით, სადაც მონაწილეობას 15 დან 20 მდე მოზარდი მიიღებს. გარისობა 2024 ის პირველი ეტაპი გაიმართება 20-21 ივლისს ალგეთის ეროვნულ პარკში. მონაწილეების აღჭურვილობა: კარავი, საძილე ტომარა, ძირს საგები ლეიბი, ამასთან საკვები და ტრანსპორტირება უზრუნველყოფილი იქნება ორგანიზაციის მიერ.გარისობა 2024 ზე მოსახვედრად გთხოვთ გაიაროთ რეგისტრაცია 10.07.2024 მდე (10 ივლისი) . ამის შემდეგ ჩვენ (გარისა) თავად დაგიკავშირდებით და გაცნობებთ ყველა აუცილებელი და საჭირო დეტალის შესახებ.იყავი გარისა!გადარჩი რათა გაიმარჯვო!

WordPress  პროგრამირების საზაფხულო სკოლა

Wordpress - ის საზაფხულო სკოლა.ისწავლე WordPress პროგრამირება “საზაფხულო პროგრამები 2024-ის” ფარგლებში.WordPress - ის საზაფხულო სკოლაში 7 დღის განმავლობაში, 8 საათიანი ლექციების მეშვეობით, შეძლებ, შეისწავლო პროგრამირება და შექმნა თანამედროვე ვებგვერდები და გაიღრმავო ციფრული უნარები. გამოცდილი ლექტორების ჩართულობით, პროექტის მონაწილეები შეისწავლიან ციფრული ინდუსტრიის სხვადასხვა პრაქტიკებს. მონაწილეებისათვის კვება უზრუნველყოფილია.პროექტი გაგრძელდება 8 ივლისიდან 15 ივლისის ჩათვლით.რეგისტრაციის ბოლო ვადაა - 28 ივნისი 23:59 საათი. რეგისტრირებულ ახალგაზრდებს პროგრამის წარმომადგენელი თავად დაეკონტაქტება და გააცნობს პროექტისთვის საჭირო დეტალებს. მონაწილეობისათვის საჭიროა პირადი პროფილის შექმნა ვებ-საიტზე Youthtbilisi.ge, პროფილის შევსება და აქტივობაზე რეგისტრაცია ღილაკზე “დარეგისტრირდი მონაწილედ” დაკლიკებით.პროექტზე მონაწილეობის მოთხოვნის გამოგზავნის შემდეგ, ინფორმაციას მოთხოვნის დადასტურების/უარყოფის შესახებ მიიღებთ ელ-ფოსტის მეშვეობით.რეგისტრაციის მოთხოვნის გამოგზავნამდე დარწმუნდით, რომ სრულყოფილად შეავსეთ თქვენი Youthtbilisi.ge-ს პროფილი.აქტივობა ხორციელდება “საზაფხულო პროგრამები 2024-ის” ფარგლებში.საზაფხულო პროგრამები თბილისის სპორტისა და ახალგაზრდობის ცენტრის მიერ თბილისის მერიის მხარდაჭერით ყოველ ზაფხულს ტარდება და ათასობით ახალგაზრდას აძლევს შესაძლებლობას სრულიად უსასყიდლოდ ჩაერთონ სხვადასხვა სახის საგანმანათლებლო აქტივობებში.

"Find Yourself in Volunteering - იპოვე შენი თავი მოხალისეობაში"

თუ გსურს გაიგო მეტი მოხალისეობრივი საქმიანობის შესახებ არ გამოტოვო შესაძლებლობა ჩაერთო TSYC-ის &bdquo;Find Yourself in Volunteering&ldquo;-ში!
თბილისის სპორტისა და ახალგაზრდობის ცენტრი აცხადებს მონაწილეთა მიღებას პროექტზე: "Find Yourself in Volunteering - იპოვე შენი თავი მოხალისეობაში", რომელიც გაიმართება სამშაბათს, 30 ივლისს 16:00 სთ&ndash;ზე.
შეხვედრის მიზანია უცხოელი მოხალისეების ჩართულობით და საკუთარი გამოცდილების გაზიარებით ახალგაზრდები გაეცნონ მოხალისეობრივ საქმიანობას, მისთვის დამახასიათებელ სპეციფიკას და აიმაღლონ ცნობიერება ამ მიმართულებით.
Find Yourself in Volunteering - ში მონაწილეობის მიღება შეუძლია თბილისში მცხოვრებ 18-29 წლის ახალგაზრდებს.
შეხვედრას გაუძღვებიან Erasmus + პროგრამის ფარგლებში საქართველოში ჩამოსული ფრანგი მოხალისეები;
შეხვედრა ჩატარდება თბილისის სპორტისა და ახალგაზრდობის ცენტრის ოფისში;
პროექტის ბოლოს გაიცემა მონაწილეობის დამადასტურებელი ელექტრონული სერტიფიკატები;
შეხვედრაში მონაწილეობის მსურველებმა უნდა გაიარონ რეგისტრაცია არაუგვიანეს 28 ივლისის 23:59 საათისა ჩვენს ოფიციალურ ვებ-გვერდზე;
გისურვებთ წარმატებებს !

განათლება

ტექნოლოგიები

ლაშქრობა

გენდერული თანასწორობა

გაცვლითი პროგრამები

ბანაკები

ინგლისური

ქართული

რუსული

ალექსანდრე ვარსიმაშვილი

იხილე აქტიური ახალგაზრდების პროფილები, რომლებიც მზად არიან მიიღონ მონაწილეობა სხვადასხვა, პოზიტიური ცვლილების შექმნისაკენ მიმართულ აქტივობებში!

ალექსანდრე ვარსიმაშვილი

ზოგადი ინფორმაცია

ჩემს შესახებ

ინტერესები

გამოცდილება

ახალგაზრდა ინოვატორთა ბანაკი

გარისობა / გადარჩენის ხელოვნება

WordPress პროგრამირების საზაფხულო სკოლა

"Find Yourself in Volunteering - იპოვე შენი თავი მოხალისეობაში"