კინოფესტივალი თაობა აცხადებს 15-დან 21 წლამდე ასაკის მონაწილეების (ჟიურის წევრები) რეგისტრაციას

„თაობას“ მეშვიდე გამოშვება 2024 წლის 20-დან 26 სექტემბრის ჩათვლით გაიმართება და მასში ყოველდღიურად სხვადასხვა ქვეყნის 700-მდე ახალგაზრდა ჟიურის წევრის სტატუსით მიიღებს მონაწილეობას - ახალგაზრდები ნახავენ სპეციალურად მათთვის შერჩეულ ფილმებს, მონაწილეობას მიიღებენ მოდერირებულ დისკუსიებსა და შემოქმედებით ჯგუფებთან შეხვედრებში, დაესწრებიან სფეროს პროფესიონალების ლექციებს, მასტერკლასებს და გამოავლენენ ფესტივალის გამარჯვებულ ფილმებს. 2018 წელს თბილისის მერიის მხარდაჭერით, ა(ა)იპ ახალგაზრდობის ეროვნული სასახლისა და კულტურის და განათლების ფონდის მიერ დაფუძნებული კინოფესტივალი „თაობა“ საქართველოში მსგავსი ტიპის ერთადერთი, ხოლო რეგიონში ყველაზე მასშტაბური ფესტივალია, რომელიც სრულად ახალგაზრდა აუდიტორიის განვითარებას ემსახურება. ამავდროულად, ფართო საზოგადოებასაც აქვს შესაძლებლობა დაესწროს კინოჩვენებებს. ფესტივალი არაკომერციულია და მასში მონაწილეობა უფასოა.

2024 წელს, კინოფესტივალი ქალაქ ქუთაისში ჩატარდება. ქალაქის ცვლილება განპირობებულია მასშტაბისა და ახალგაზრდა აუდიტორიაზე ფესტივალის პოზიტიური გავლენის გაზრდით.

ჯამურად, საკონკურსო სექციებში, წარმოდგენილი იქნება მინიმუმ 12 ქვეყნის 28 მოკლემეტრაჟიანი და 11 სრულმეტრაჟიანი ფილმი. გარდა ქართველებისა, ფესტივალში მონაწილეობას მიიღებენ უცხოელი ახალგაზრდები და კინოპროფესიონალები (თაობის პარტნიორი საერთაშორისო კინოფესტივალების წარმომადგენელი ახალგაზრდები და მონაწილე ფილმების შემოქმედებითი ჯგუფების წევრები).

ქალაქ თბილისის მუნიციპალიტეტის მხარდაჭერით, კონკურსით შერჩეული თბილისის მაცხოვრებელი 50 ახალგაზრდა ფესტივალში სრული დაფინანსებით მიიღებს მონაწილეობას.

რეგისტრაცია განხორციელდება 2 ეტაპად:

1) განაცხადისა და სამოტივაციო წერილის მიღება

2) გასაუბრება

აუცილებელია სამოტივაციო წერილი გამოგზავნოთ ბმულზე: https://wkf.ms/4g0feQZ

ფესტივალის პარტნიორები და მხარდამჭერები:

ქალაქ თბილისის მუნიციპალიტეტის მერია

ქალაქ ქუთაისის მუნიციპალიტეტის მერია

საქართველოს ბანკი

საქართველოს ტურიზმის ეროვნული ადმინისტრაცია

საქართველოს აეროპორტების გაერთიანება

ეროვნული კინოცენტრი

იტალიის საელჩო

საბერძნეთის საელჩო

ქუთაისის მოსწავლე-ახალგაზრდობის სასახლე