Register as a volunteer and take part in different projects from different organizations with just one click!

Projects for Youth

ახალგაზრდა მოხალისეთა ბანაკი

ახალგაზრდებში მოხალისეობრივი საქმიანობის წახალისების მიზნით 30 აგვისტოდან 3 სექტემბრის შუალედში ჩატარდება &ldquo;ახალგაზრდა მოხალისეთა ბანაკი&ldquo;, რომელიც აქტიურ ახალგაზრდებს გააერთიანებს.
ბანაკის ფარგლებში მოხალისეობრივი საქმიანობით დაინტერესებული ახალგაზრდები არაფორმალურ გარემოში მიიღებენ დამატებით ცოდნას მოხალისეობრივ საქმიანობაზე. პროექტის საგანმანათლებლო კომპონენტი (ტრენინგ კურსი) ეყრდნობა ადგილობრივ და საერთაშორისო დონეზე დაგროვილი გამოცდილების გაზიარებასა და შესაძლებლობების განხილვას.
ბანაკი 5 დღისა და 4 ღამის განმავლობაში გაგრძელდება, იგი დატვირთული იქნება როგორც საგანმანათლებლო ისე სპორტული აქტივობებით.
ბანაკში ჩართვა შესაძლებელია 18-29 წლის თბილისში მცხოვრები ახალგაზრდებისათვის. რეგისტრაციის პროცესი მოიცავს ორ კომპონენტს:
1.რეგისტრაცია - პროექტზე მონაწილეობის მოთხოვნის გამოგზავნა ვებ-საიტის Youthtbilisi.ge-ს მეშვეობით (ღილაკზე &ldquo;დარეგისტრირდი მონაწილედ&rdquo; დაკლიკებით).
2.სამოტივაციო წერილი - მოთხოვნის გამოგზავნის შემდეგ კანდიდატებმა 7 ივლისის 23:59 საათამდე უნდა გადმოაგზავნონ სამოტივაციო წერილი 500 სიტყვის მოცულობით ელ-ფოსტაზე: Tbilisisyc@gmail.com (Subject line: სახელი გვარი ახალგაზრდა მოხალისეთა ბანაკი)
აქტივობაში ჩართვის მოთხოვნის დადასტურების/უარყოფის შესახებ ინფორმაციას რეგისტრირებული პირები ელ-ფოსტის მეშვეობით 20 ივლისამდე მიიღებენ. შერჩეულ ახალგაზრდებს პროგრამის წარმომადგენელები თავად დაეკონტაქტებიან და მიაწვდიან ტექნიკურ ინფორმაციას ბანაკთან დაკავშირებით.
რეგისტრაციის მოთხოვნის გამოგზავნამდე დარწმუნდით, რომ სრულყოფილად შეავსეთ თქვენი Youthtbilisi.ge-ს პროფილი.
რეგისტრაციის ბოლო ვადაა 7 ივლისის 23:59 საათი.
აქტივობა ხორციელდება &ldquo;საზაფხულო პროგრამები 2024-ის&rdquo; ფარგლებში.
საზაფხულო პროგრამები თბილისის სპორტისა და ახალგაზრდობის ცენტრის მიერ თბილისის მერიის მხარდაჭერით ყოველ ზაფხულს ტარდება და ათასობით ახალგაზრდას აძლევს შესაძლებლობას სრულიად უსასყიდლოდ ჩაერთონ სპორტულ რეკრეაციულ აქტივობებში.
პროექტზე პასუხისმგებელი პირი: ზაზა ზაზანაშვილი
ტელ: 555450085

გარისობა / გადარჩენის ხელოვნება

პროგრამა &quot;გარისობა 2024&quot; საშუალებას აძლევს 14 დან 19 წლამდე მოზარდებს გაეცნონ სალაშქრო და თვითგადარჩენის პრინციპებს ასევე გამოსცადონ საკუთარი შესაძლებლობები ველურ ბუნებასთან პირისპირ ჭიდილში. მონაწილეები გარისობა 2024 ის პროგრამის ფარგლებში გაენობიან:თვითგადარჩენის დაწყებით საფეხურებს: წყალი, ცეცხლი, საკვები, თავშესაფარი;ნავიგაცია: რუკის კითხვა და ორიენტირებას;პირველადი დახმარების საკითხებს;სამთო მომზადების საბაზისო საკითხებს;ბანაკად დგომისა და საველე საქმიანობის წესებს; &quot;გარისობა 2024&quot; ჩატარდება 4 ეტაპად საქართველოს დაცულ ტერიტორიებზე (ალგეთის ეროვნული პარკი, ბირთვისის კანიონი, ბორჯომ-ხარაგაულის ტყეპარკი), ოთხივე ეტაპი არის თითო, ორ დღიანი ლაშქრობა ღამის თავით, სადაც მონაწილეობას 15 დან 20 მდე მოზარდი მიიღებს. გარისობა 2024 ის პირველი ეტაპი გაიმართება 20-21 ივლისს ალგეთის ეროვნულ პარკში. მონაწილეების აღჭურვილობა: კარავი, საძილე ტომარა, ძირს საგები ლეიბი, ამასთან საკვები და ტრანსპორტირება უზრუნველყოფილი იქნება ორგანიზაციის მიერ.გარისობა 2024 ზე მოსახვედრად გთხოვთ გაიაროთ რეგისტრაცია 10.07.2024 მდე (10 ივლისი) . ამის შემდეგ ჩვენ (გარისა) თავად დაგიკავშირდებით და გაცნობებთ ყველა აუცილებელი და საჭირო დეტალის შესახებ.იყავი გარისა!გადარჩი რათა გაიმარჯვო!

კარტინგი

კარტინგის აქტივობა თბილისში &ldquo;ლისი ლემანსში&rdquo; რამდენიმე ნაკადად წარიმართება და ასობით ახალგაზრდას მისცემს შესაძლებლობას დაკავდეს არამხოლოდ კარტინგით, არამედ ბილიარდით, მაგიდის ჩოგბურთითა და ტირით.
აქტივობაში ჩართვა შესაძლებელია 18-29 წლის თბილისში მცხოვრები ახალგაზრდებისათვის.
კარტინგზე რეგისტრაციის ბოლო ვადა 7 ივლისის 23:59 საათია, რეგისტრირებული მონაწილეები სერვისით სარგებლობას ეტაპობრივად, 20 ივნისიდან 20 ივლისამდე, 18:00 - 21:00 საათების შუალედში შეძლებენ.
მონაწილეობისათვის საჭიროა პირადი პროფილის შექმნა ვებ-საიტზე Youthtbilisi.ge, პროფილის შევსება და აქტივობაზე რეგისტრაცია ღილაკზე &ldquo;დარეგისტრირდი მონაწილედ&rdquo; დაკლიკებით. პროექტზე მონაწილეობის მოთხოვნის გამოგზავნის შემდეგ, ინფორმაციას მოთხოვნის დადასტურების/უარყოფის შესახებ მიიღებთ ელ-ფოსტის მეშვეობით.
რეგისტრირებულ ახალგაზრდებს პროგრამის წარმომადგენელი თავად დაეკონტაქტება და შესთავაზებს პროგრამით სარგებლობის თარიღს.
რეგისტრაციის მოთხოვნის გამოგზავნამდე დარწმუნდით, რომ სრულყოფილად შეავსეთ თქვენი Youthtbilisi.ge-ს პროფილი.
აქტივობა ხორციელდება &ldquo;საზაფხულო პროგრამები 2024-ის&rdquo; ფარგლებში.
საზაფხულო პროგრამები თბილისის სპორტისა და ახალგაზრდობის ცენტრის მიერ თბილისის მერიის მხარდაჭერით ყოველ ზაფხულს ტარდება და ათასობით ახალგაზრდას აძლევს შესაძლებლობას სრულიად უსასყიდლოდ ჩაერთონ სპორტულ რეკრეაციულ აქტივობებში.
პროექტზე პასუხისმგებელი პირი : ლევან ნადირაძე
ტელ: 555527777

ჩოგბურთის კორტები (ვაკის პარკის კორტები)

საზაფხულო პროგრამა 2024-ის ფარგლებში ჩოგბურთის ცენტრის ვაკის პარკის კორტებით ასობით ახალგაზრდა ისარგებლებს.
აქტივობაში ჩართვის შემთხვევაში რეგისტრირებული პირები მიიღებენ 20 ივნისიდან 20 ივლისამდე, 17:00 - 21:00 საათის შუალედში ჩოგბურთის კორტით ერთჯერადად სარგებლობის შესაძლებლობას.
კორტით სარგებლობის ხანგრძლივობა - 1 საათი.
აქტივობაში ჩართვა შესაძლებელია 18-29 წლის თბილისში მცხოვრები ახალგაზრდებისათვის.
პროექტზე მონაწილეობის მოთხოვნის გამოგზავნის შემდეგ, ინფორმაციას მოთხოვნის დადასტურების/უარყოფის შესახებ მიიღებთ ელ-ფოსტის მეშვეობით. რეგისტრირებულ ახალგაზრდებს პროგრამის წარმომადგენელი თავად დაეკონტაქტება და შესთავაზებს კორტით სარგებლობის თარიღს. პროგრამაში მეწყვილესთან ერთად ჩართვის შემთხვევაში აუცილებელია ორივე პირის რეგისტრაცია.
რეგისტრაციის მოთხოვნის გამოგზავნამდე დარწმუნდით, რომ სრულყოფილად შეავსეთ თქვენი Youthtbilisi.ge-ს პროფილი.
რეგისტრაციის ბოლო ვადაა 7 ივლისის 23:59 საათი.
აქტივობა ხორციელდება &ldquo;საზაფხულო პროგრამები 2024-ის&rdquo; ფარგლებში.
საზაფხულო პროგრამები თბილისის სპორტისა და ახალგაზრდობის ცენტრის მიერ თბილისის მერიის მხარდაჭერით ყოველ ზაფხულს ტარდება და ათასობით ახალგაზრდას აძლევს შესაძლებლობას სრულიად უსასყიდლოდ ჩაერთონ სპორტულ რეკრეაციულ აქტივობებში.
პროექტზე პასუხისმგებელი პირი: გიორგი ტურაშვილი
ტელ: 592432572

"Find Yourself in Volunteering - იპოვე შენი თავი მოხალისეობაში"

თუ გსურს გაიგო მეტი მოხალისეობრივი საქმიანობის შესახებ არ გამოტოვო შესაძლებლობა ჩაერთო TSYC-ის &bdquo;Find Yourself in Volunteering&ldquo;-ში!
თბილისის სპორტისა და ახალგაზრდობის ცენტრი აცხადებს მონაწილეთა მიღებას პროექტზე: "Find Yourself in Volunteering - იპოვე შენი თავი მოხალისეობაში", რომელიც გაიმართება სამშაბათს, 30 ივლისს 16:00 სთ&ndash;ზე.
შეხვედრის მიზანია უცხოელი მოხალისეების ჩართულობით და საკუთარი გამოცდილების გაზიარებით ახალგაზრდები გაეცნონ მოხალისეობრივ საქმიანობას, მისთვის დამახასიათებელ სპეციფიკას და აიმაღლონ ცნობიერება ამ მიმართულებით.
Find Yourself in Volunteering - ში მონაწილეობის მიღება შეუძლია თბილისში მცხოვრებ 18-29 წლის ახალგაზრდებს.
შეხვედრას გაუძღვებიან Erasmus + პროგრამის ფარგლებში საქართველოში ჩამოსული ფრანგი მოხალისეები;
შეხვედრა ჩატარდება თბილისის სპორტისა და ახალგაზრდობის ცენტრის ოფისში;
პროექტის ბოლოს გაიცემა მონაწილეობის დამადასტურებელი ელექტრონული სერტიფიკატები;
შეხვედრაში მონაწილეობის მსურველებმა უნდა გაიარონ რეგისტრაცია არაუგვიანეს 28 ივლისის 23:59 საათისა ჩვენს ოფიციალურ ვებ-გვერდზე;
გისურვებთ წარმატებებს !

ხალიჩების წარმოების მასტერკლასები ახალგაზრდებისთვის

პროექტი წარმოადგენს 1 დღიანი ხალიჩის წარმოების მასტერკლასების სერიას, რომელიც გაიმართება ყოველ შაბათ-კვირას 2 ნოემბრიდან 24 ნოემბრის ჩათვლით, 10:00 საათიდან 18:00 მდე. აუცილებელია რეგისტრაცია გაიაროთ წინასწარ.
&nbsp;
წინასწარი რეგისტრაცია გაიხსნება ყოველ ორშაბათს.
პროექტი სთავაზობს ახალგაზრდებს გამოცდილების გარეშე შეძლონ ახალი საქმიანობის ათვისება და მოკლე დროში რეალიზაცია, საკუთარი მცირე ბიზნესის წამოწყების ან სტაბილური დასაქმების სახით (ჩვენს საწარმოში).
&nbsp;
📍ლოკაცია: თბილისი
⏰ დრო: შაბათ-კვირას, 10:00 - 18:00 (2.11.24 - 24.11.24)
📋 წინასწარი რეგისტრაცია სავალდებულოა!
&nbsp;
მონაწილეობის აუცილებელი პირობები:
🎨 ასაკი: 16-30 წელი
🇬🇪 საქართველოს მოქალაქე, თბილისში მცხოვრები/დარეგისტრირებული
🖌️ ინტერესი ხელოვნებისა და გამოყენებითი ხელოვნების მიმართ
🚀 უპირატესობა მიენიჭებათ აპლიკანტებს, რომელთაც აქვთ სამომავლოდ ხელოვნების სფეროში განვითარებისა ან მცირე ბიზნესის წამოწყების სურვილი
🔹 უპირატესობა ექნებათ სოციალური სტატუსის მქონე პირებს
&nbsp;
📨 რეგისტრაციის პარალელურად, გთხოვთ, მეილზე info@carpeteria.ge გამოგვიგზავნოთ მოკლე ინფორმაცია თქვენ შესახებ და დამატებითი დოკუმენტები, ასეთის არსებობის შემთხვევაში.
&nbsp;
თითოეულ შეხვედრაზე 4 მონაწილე მიიღებს სიღრმისეულ ცოდნას ხალიჩის წარმოების ტექნიკების, ბიზნესის წარმოებისა და საბოლოო პროდუქტის შექმნის სრული პროცესის შესახებ. ვორქშოფები უფასო იქნება მონაწილეთათვის და მიზნად ისახავს დაინტერესებული ახალგაზრდებისთვის ახალი უნარების შეძენას, რაც დაეხმარება მათ სამომავლოდ მცირე ბიზნესის დაწყებაში ან შემოქმედებითი კარიერის გაგრძელებაში.
&nbsp;
პროექტის ფარგლებში შეიქმნება სოციალური ქსელის ჯგუფი, სადაც მონაწილეები შეძლებენ ჩვენთან და უკვე ამ სფეროს სხვა პროფესიონალებთან კომინუკაციის შენარჩუნებას, რათა სამომავლო პერსპექტივაშიც გააგრძელონ ცოდნის გაღრმავება და მხარდაჭერის მიღება.

"English Speaking Club - ინგლისური ენის სასაუბრო კლუბი"

თუ გსურს გაიუმჯობესო ინგლისური ენის სასაუბრო უნარ-ჩვევები, არ გამოტოვო შესაძლებლობა ჩაერთო TSYC-ის English Speaking Club-ში!
&nbsp;
თბილისის სპორტისა და ახალგაზრდობის ცენტრი აცხადებს მონაწილეთა მიღებას პროექტზე: "English Speaking Club - ინგლისური ენის სასაუბრო კლუბი", რომელიც 13 ნოემბრიდან 25 დეკემბრის ჩათვლით ყოველ ოთხშაბათს 18:00 - 19:00 საათებში ჩატარდება.
&nbsp;
კლუბის მიზანია უცხოელი მოხალისეების ჩართულობით დაეხმაროს ახალგაზრდებს სასაუბრო უნარ-ჩვევების გაუმჯობესებაში, შექმნას წამახალისებელი ატმოსფერო ინგლისური ენის პრაქტიკისათვის, პროცესში კი ხელი შეუწყოს მონაწილეთა შორის საინტერესო მსჯელობას სხვადასხვა საკითხის გარშემო, მათ შორის: სხეულის ენა, საჯაროდ გამოსვლის ხელოვნება, კომუნიკაციის უნარ-ჩვევები და სხვა.
&nbsp;
კლუბის ფარგლებში მონაწილეები შეძლებენ წიგნებისა და ფილმების გარჩევას ინგლისურ ენაზე.
&nbsp;
English Speaking Club - ში მონაწილეობის მიღება შეუძლია თბილისში მცხოვრებ 18-29 წლის ახალგაზრდებს.
&nbsp;
სასაუბრო კლუბს გაუძღვებიან Erasmus + პროგრამის ფარგლებში საქართველოში ჩამოსული უცხოელი მოხალისეები: Aiden Mones, Felicie Slama, Judit Finsterer, Luzia Voigt, Fynn Segner
&nbsp;
პროექტი 13 ნოემბერს 18:00 საათზე გაცნობითი სესიით დაიწყება;
თითოეული შეხვედრის ხანგრძლივობაა 1 საათი;
შეხვედრები ჩატარდება თბილისის სპორტისა და ახალგაზრდობის ცენტრის ოფისში;
პროექტის ბოლოს გაიცემა მონაწილეობის დამადასტურებელი სერტიფიკატები, დასწრების 70% შემთხვევაში.
&nbsp;
კლუბში ჩართვის მსურველები უნდა დარეგისტრირდნენ არაუგვიანეს 11 ნოემბრის 23:59 საათმდე.
&nbsp;
გისურვებთ წარმატებებს!

sport

Volunteering

Education

Technology

Human Rights

Hiking

Gender Equality

Youth Policy

Exchange Programs

Camps

English

Georgian

Korean

ელა არსენაშვილი

Discover the profiles of active young individuals who are ready to participate in various activities and bring about positive change! These motivated and dedicated volunteers come from diverse backgrounds, each with a unique story and a shared passion for making a difference in their communities.

ელა არსენაშვილი

Information

About me

Interests