ზამთრის ახალგაზრდული ბანაკი "სამაგიდო თამაშების სკოლა"

&bdquo;თბილისის სპორტისა და ახალგაზრდობის ცენტრის&ldquo; მიერ 2026 წლის 20-24 თებერვალს, დაგეგმილია სამაგიდო თამაშების ზამთრის ახალგაზრდული სკოლა, რომლის მიზანია &bdquo;ბორდგეიმების&ldquo; შექმნით დაინტერესებული 18-29 წლის ახალგაზრდების უნარ-ჩვევების გაძლიერება და ქალაქ თბილისის შესახებ საინფორმაციო და შემეცნებითი სამაგიდო თამაშის პროტოტიპის მომზადება.
სამაგიდო თამაშების ზამთრის ახალგაზრდული სკოლის ფარგლებში, &bdquo;ბორდგეიმების&ldquo; შექმნით დაინტერესებული ახალგაზრდები, გამოცდილ მენტორებთან ერთად, შეიმუშავებენ თამაშის კონცეფციას, შინაარსობრივ ნაწილს, გამოსაყენებელ მექანიკებსა და კრიტერიუმებს. საბოლოოდ, მცირე გუნდებად დაყოფილი მონაწილეები შექმნიან თბილისის თემატიკასთან დაკავშირებულ სამაგიდო თამაშის პროტოტიპს და ჩაატარებენ საცდელ ტესტგეიმს.
შერჩევა განხორციელდება ორ ეტაპად, პირველ ეტაპზე მსურველები 2026 წლის 10 თებერვლამდე უნდა დარეგისტრირდნენYouthtbilisi.ge-ზე(ღილაკზე &ldquo;დარეგისტრირდი მონაწილედ&rdquo; დაკლიკებით) და გადმოაგზავნონ სრულყოფილად შევსებული სააპლიკაციო ფორმა: https://forms.gle/K1kKt584Jr4wnpz87 .
მეორე ეტაპზე გასულები ახალგაზრდები კი მიიღებენ შეტყობინებას გასაუბრების თარიღთან დაკავშირებით 15 თებერვლამდე.
შერჩეულ ახალგაზრდებს პროგრამის წარმომადგენელები თავად დაეკონტაქტებიან და მიაწვდიან ტექნიკურ ინფორმაციას ბანაკთან დაკავშირებით.
რეგისტრაციის მოთხოვნის გამოგზავნამდე დარწმუნდით, რომ სრულყოფილად შეავსეთ თქვენი Youthtbilisi.ge-ს პროფილი.

რობოტიკის ზამთრის ბანაკი

ექვსდღიანი, ინტენსიური სრულად დაფინანსებული საგანმანათლებლო ბანაკი 12&ndash;17 წლის 30 თბილისელი მოსწავლისთვის, რომელთაც არ აქვთ რობოტიკის მუშაობის გამოცდილება.
პროგრამა მოიცავს რობოტიკის (LEGO EV3, Botley 2.0), პროგრამირების, ინჟინერიის (3D კალამი, მეორადი მასალები) და ელექტრონიკის (Snap Circuits) პრაქტიკულ შესწავლას. ბანაკი მიზნად ისახავს STEM უნარების განვითარებას გუნდური შეჯიბრისა და პრეზენტაციების მეშვეობით..
12 -15 წლის მოსწავლეები რეგისტრაციას გაივლით აღნიშნული ბმულით <a href="https://forms.gle/ptn44YGhxmcruQZR9">https://forms.gle/ptn44YGhxmcruQZR9</a>

ზამთრის ბანაკი

"დავითიანნისა&ldquo; და სოციალური საწარმო კოდალას ერთობლივი პროექტის "მოხალისეობა და პროფორიენტაცია&ldquo; გულისხმობს თემატურ შემოქმედებით ბანაკის მოწყობას მოსწავლე-ახალგაზრდებისთვის. ბანაკში, მოსწავლე-ახალგაზრდები გაივლიან მოხალისეობის კურსს და დაეუფლებიან ხის მხატვრული დამუშავების საფუძვლებს. ასევე, ბანაკის მონაწილეები განივითარებენ მოხალისის კომპეტენციებს, რაც მათ საშუალებას მისცემს, რომ ბანაკის შემდეგ აქტიურად ჩაერთონ სოციალური საწარმოების საქმიანობაში და თავიანთი მოხალისეობრივი თანამონაწილეობით წვლილი შეიტანონ სოც. საწარმოების პოპულარიზაციაში.
ბანაკის მონაწილეები შეირჩევიან, დავითიანნის საგანმანათლებლო პროექტში ჩართული ლიდერთა კლუბებიდან და მერიის პლატფორმაზე დარეგისტრირებული ახალგაზრდებისგან.
რეგისტრაცია 10 დეკემბრიდან 24 დეკემბრის ჩათვლით იწარმოებს youthtbilisi.ge-ზე. ასაკი: 16-20 წელი
ბანაკის მოწყობა დაგეგმილია მანგლისში, სკაუტების კომპლექსში, რომელსაც გააჩნია ყველა საჭირო ინფრასტრუქტურა და უზრუნველყოფილია შესაბამისი უსაფრთხოების ნორმებით.

WEX Intertnational camp in Georgia

საერთაშორისო ინგლისურენოვანი ტრენინგ-სკოლა ბაკურიანში 8 დღე მხოლოდ ინგლისურად! ზამთრის ტრენინგ-სკოლა გაიმართება საქართველოს მთავრობის მიერ გაცემული ყველა რეკომენდაციის დაცვით. შესაბამისად, კომპანია იტოვებს უფლებას, საჭიროების შემთხვევაში პროგრამაში ცვლილებები შეიტანოს. თარიღი: 2026 წელი, 3 - 10 იანვარი (8 დღე/7ღამე) ზამთრის სკოლის წევრთა ასაკია 13-დან 17 წლის ჩათვლით. სწავლების მეთოდი ეფუძნება აქტიურ კომუნიკაციას ინგლისურ ენაზე და უზრუნველყოფს სალაპარაკო ენის სწრაფად და ადვილად ათვისებას. ჩვენი კომპანია უკვე მე-15 წელია აწყობს საერთაშორისო ინგლისურენოვან ბანაკს და საკმაოდ წარმატებით! ჩვენი ბანაკის წევრების უმრავლესობა მეოთხედ და მეხუთედ იღებს მონაწილეობას! ბანაკში არა მხოლოდ საქართველოს სხვადასხვა კუთხის, არამედ უცხოელი ბავშვებიც მონაწილეობენ. პროგრამა გათვალისწინებულია მათთვის, ვისაც სურს აიმაღლოს ინგლისური ენის დონე და პასიური ცოდნა აქტიურ მეტყველებაში გადაიტანოს. პროგრამა: - პროგრამის ხანგრძლივობა: 8 დღე (7 ღამე); - ქართველი და უცხოელი პროფესიონალი პედაგოგები; - საცხოვრებელი ადგილი: სასტუმრო "ლაიქი&ldquo; - აქტივობები ინგლისურ ენაზე მთელი დღის განმავლობაში; - საკანცელარიო ნივთები; - კვება: სამჯერადი; - თხილამურზე ვარჯიშის ორგანიზება; - სათხილამურო აღჭურვილობა; -ციგა; - ტრანსფერი: თბილისი-ბაკურიანი-თბილისი (მგზავრობა კომფორტული ტრანსპორტით); - ქუდები კომპანიის ლოგოთი; - სერტიფიკატი კომპანია &laquo;World Express &raquo;-ისგან; - დიპლომი კომპანია &laquo;World Express &raquo;-ისგან; დღის განრიგი: 09:00 &ndash; გაღვიძება; 09:30 - დილის ვარჯიში; 10:00 - საუზმე; 10:30 - თავისუფალი დრო; 10:45 - პირველი მეცადინეობა (სასაუბრო უნარები, კითხვა, გრამატიკა, სიტყვათა მარაგი, კულტურის საათი) 11:45- თავისუფალი დრო 12:00 &ndash; მეორე მეცადინეობა (სასაუბრო უნარები - დიალოგი,სიმღერა); 13:00 - კრეატიული თამაშები; 14:00 - სადილი; 14:30 - მომზადება სათხილამუროდ; 15:00 - გასვლა სათხილამურო ტრასაზე; 17:30- სასტუმროში დაბრუნება; 18:00 &ndash;თავისუფალი დრო; 19:00 - ვახშამი; 19:30 - კარაოკე, ცეკვა, ინტელექტუალური თმაშები. 21:00 - ინგლისურენოვანი მხატვრული ან დოკუმენტურ-შემეცნებითი ფილმის ჩვენება; 22:00 - ძილი;
როგორ დავრეგისტრირდეთ:
1. 13-დან 15 წლის ჩათვლით მონაწილეობის მსურველთა მშობლები ავსებენ შესაბამის ფორმას ბმულზე: https://docs.google.com/forms/d/e/1FAIpQLSdRNM1gfFcM92HMGh1CJnaTbpppYDPn16UiEp8poL7qdXFWKg/viewform?usp=dialog
2. 16-დან 17 წლის ჩათვლით მონაწილეობის მსურველები რეგისტრირდებიან საიტის www.youthtbilisi.ge შესაბამის გვერდზე

სათხილამურო ბანაკი ბაკურიანში

პროექტი "ბაკურიანის ბანაკი" გულისხმობს 25 ახალგაზრდა მონაწილის შერჩევას და მათთვის 2026 წლის თებერვლის თვეში, კონკრეტულად 11-15 თებერვლის დიაპაზონში, საბაზისო სათხილამურო ტრენინგის და ბანაკის მოწყობას. ბანაკის განრიგია: პირველ დღეს თბილისიდან გამგზავრება, დაბინავება, თეორიული ლექცია, შემდეგი სამი დღე დაეთმობა თხილამურზე სრიალის სპეციფიკის პრაქტიკაში, დიდველის სასრიალო ტრასაზე ინტენსიურ ათვისებას, ბოლო დღეს დღის პირველი ნახევარი თავისუფალი დრო, ხოლო შუადღისას თბილისში დავბრუნება. ბანაკის მონაწილეთა სამიზნე ასაკი 16-20 წელი გახლავთ. ბანაკში მონაწილეობისათვის არ მოითხოვება თხილამურზე სრიალის წინასწარი ცოდნა და გამოცდილება. სრიალის ათვისებას უზრუნველყოფს სამთო-სათხილამურო ტრენერების გამოცდილი ჯგუფი, ხოლო ბანაკში მხიარულ განწყობაზე და ზოგად წესრიგზე იზრუნებს ჩვენი ჯგუფის გამოცდილი ლიდერები. ბანაკის მიმდინარეობისას მონაწილეები დარჩებიან სასტუმროში, ისინი უზრუნველყოფილი იქნებიან ორჯერადი კვებით სასტუმროში დილა-საღამოს, ხოლო შუადღის კვებისთვის გათვალისწინებულია საველე ლანჩ-მენიუები. მონაწილეები უზრუნველყოფილი იქნებიან სამთო-სათხილამურო აღჭურვილობითაც, კომპლექტში შედის: თხილამურები, სასრიალო ფეხსაცმელი, ჩაფხუტი უსაფრთხოებისთვის, საჭიროებისამებრ ჯოხები. მონაწილეებს საჭიროა ქონდეთ საკუთარი სამთო-სათხილამურო ტანსაცმელი, თბილი წყალგაუმტარი ხელთათმანი, თბილი ქუდი, ზამთრის პირობებზე გათვლილი წყალგაუმტარი თბილი ფეხსაცმელი. ბანაკში იმოქმედებს ჩვენი სტანდარტული წესები, რომელსაც შერჩეულ მონაწილეებს დეტალურად გავაცნობთ. ბანაკში ალკოჰოლის მიღება დაუშვებელია, აუცილებელია ბანაკის ლიდერების მითითებებზე დამორჩილება, მეგობრული და მხიარული გარემოს ფორმირება-შენარჩუნება. სათხილამურო ბანაკში როგორც წესი ძალიან მაღალი კონკურსია, ამიტომ მონაწილეთა შესარჩევად შესაძლოა დამატებით შეგეხმიანოთ დარეგისტრირებულ კანდიდატებს და გთხოვოთ ან პირადი გასაუბრება, ან სამოტივაციო წერილის გადმოგზავნა.
&nbsp;წასვლამდე საჭიროებისამებრ შესაძლებელია თბილისში გაცნობითი შეხვედრის ორგანიზებაც.
ვინაიდან ადგილები შეზღუდულია, ხოლო კონკურსი მაღალია, გთხოვთ დარეგისტრირებამდე დარწმუნდეთ რომ მითითებულ თარიღებში დანამდვილებით გცალიათ.
გელით! წინ კარგი მოგონებები გველის!

ზამთრის ხელოვნური ინტელექტის ბანაკი

თბილისის მერიის მხარდაჭერით, 2026 წლის 19 იანვრიდან - 21 იანვრამდე, სურამში ტარდება „ზამთრის ხელოვნური ინტელექტის ბანაკი“, რომელიც ორგანიზებულია სასწავლო ცენტრ ედუსითის მიერ და განკუთვნილია 13-18 წლის მოზარდებისთვის. 3-დღიანი ბანაკი გაიმართება სურამში კერძოდ &quot;სასტუმრო სურამი&quot;-ში და მასში მონაწილეობას მიიღებს სამოტივაციო წერილით შერჩეული 45 მოზარდი, რომელთაც საინტერესო, აქტიური და მრავალფეროვანი პროგრამა ელოდებათ.ბანაკის მიზანია მონაწილეებს გააცნოს ხელოვნური ინტელექტის სამყარო და ხელი შეუწყოს მათ პროფესიულ ორიენტაციასა და სამომავლო კარიერულ განვითარებას.ბანაკის დღის განრიგი ისეა დაგეგმილი, რომ ბავშვებს ჰქონდეთ ბალანსი სწავლასა და გართობას შორის — დილიდან დაგეგმილია ინტერაქციული ლექციები და შემეცნებითი აქტივობები ციფრულ პროფესიებზე, ხოლო დღის მეორე ნახევარი მიეძღვნება თამაშებს, სპორტულ ღონისძიებებს, გუნდურ ვორქშოფებსა და შემოქმედებით დავალებებს. ყოველი დღე სრულდება სახალისო აქტივობებით, რაც ხელს უწყობს მონაწილეთა გუნდურობას.ბანაკის მონაწილეები გაეცნობიან ისეთ თემებს, როგორიცაა: ხელოვნური ინტელექტის საფუძვლები და მისი პრაქტიკული გამოყენება.პროექტი სრულად დაფინანსებულია ქალაქ თბილისის მუნიციპალიტეტის მერიის მიერ.დარეგისტრირდით შემდეგნაირად:13-15 წლის მონაწილეებმა: გთხოვთ შეავსოთ აღნიშნული ბმული https://forms.gle/a4vVaFatqoDpwe25616-18 წლის მონაწილეებმა: გაიარეთ რეგისტრაცია საიტზე youthtbilisi.ge