ახალგაზრდებში საჯაროდ გამოსვლის ხელოვნების განვითარების ხელშეწყობის მიზნით 2025 წლის 15 თებერვლიდან 19 თებერვლის შუალედში ჩატარდება ზამთრის ახალგაზრდული ბანაკი - "საჯარო გამოსვლა," რომელიც აქტიურ ახალგაზრდებს გააერთიანებს.

ბანაკის ფარგლებში ახალგაზრდები გაეცნობიან შემდეგ თემებს:

ეფექტური სა­ჯა­რო გამოსვლის მნიშ­ვნე­ლო­ბა;

სა­ჯა­რო გა­მოს­ვლის სტრუქ­ტუ­რა;

ორატორული ხელოვნება და საჯარო გამოსვლის ოსტატები;

ემოციების მართვა და დარწმუნების ტექნიკები;

აუდ­იტ­ორი­ის შეს­წავ­ლის მე­თო­დე­ბი;

აუდიტორიის ყურადღების კონცენტრირება;

სხეულის ენა და წარმატებული საჯარო გამოსვლა;

მოს­მე­ნის ხე­ლოვ­ნე­ბა და კონფლიქტური სიტუაციების განმუხტვა;

წარმატებული პრეზენტაციის კრიტერიუმები.

ბანაკში ჩართვა შესაძლებელია 18-25 წლის თბილისში მცხოვრები ახალგაზრდებისათვის. რეგისტრაციის პროცესი მოიცავს ორ კომპონენტს:

1. რეგისტრაცია - პროექტზე მონაწილეობის მოთხოვნის გამოგზავნა ვებ-საიტის Youthtbilisi.ge-ს მეშვეობით (ღილაკზე “დარეგისტრირდი მონაწილედ” დაკლიკებით).

2. სამოტივაციო წერილი - მოთხოვნის გამოგზავნის შემდეგ კანდიდატებმა 1 თებერვლის 23:59 საათამდე უნდა გადმოაგზავნონ სამოტივაციო წერილი 200 სიტყვის მოცულობით ელ-ფოსტაზე: [email protected] (Subject line: სახელი გვარი ზამთრის ახალგაზრდული ბანაკი - "საჯარო გამოსვლა" )

აქტივობაში ჩართვის მოთხოვნის დადასტურების/უარყოფის შესახებ ინფორმაციას რეგისტრირებული პირები ელ-ფოსტის მეშვეობით 10 თებერვლამდე მიიღებენ. შერჩეულ ახალგაზრდებს პროგრამის წარმომადგენელები თავად დაეკონტაქტებიან და მიაწვდიან ტექნიკურ ინფორმაციას ბანაკთან დაკავშირებით.

რეგისტრაციის მოთხოვნის გამოგზავნამდე დარწმუნდით, რომ სრულყოფილად შეავსეთ თქვენი Youthtbilisi.ge-ს პროფილი.

რეგისტრაციის ბოლო ვადაა 1 თებერვლის 23:59 საათი.