პროექტი "მოხალისეობა და პროფორიენტაცია“ გულისხმობს თემატურ შემოქმედებით ბანაკის მოწყობას მოსწავლე-ახალგაზრდებისთვის. ბანაკში, მოსწავლე-ახალგაზრდები გაივლიან მოხალისეობის კურსს და დაეუფლებიან ხის მხატვრული დამუშავების საფუძვლებს. ასევე, ბანაკის მონაწილეები განივითარებენ მოხალისის კომპეტენციებს, რაც მათ საშუალებას მისცემს, რომ ბანაკის შემდეგ აქტიურად ჩაერთონ სოციალური საწარმოების საქმიანობაში და თავიანთი მოხალისეობრივი თანამონაწილეობით წვლილი შეიტანონ სოც. საწარმოების პოპულარიზაციაში.

ბანაკის მონაწილეები შეირჩევიან, დავითიანნის საგანმანათლებლო პროექტში ჩართული ლიდერთა კლუბებიდან და მერიის პლატფორმაზე დარეგისტრირებული ახალგაზრდებისგან.

რეგისტრაცია იქნება საიტზე youthtbilisi.ge და რეგისტრაცია დაიწყება არაუგვიანეს 3 ივნისისა და გაგრძელდება მინიმუმ ათი დღე.

შერჩევის პროცესში, მოწყვლადი ჯგუფის წარმომადგენლებს მიენიჭებათ უპირატესობა.

ბანაკის მოწყობა დაგეგმილია მანგლისში, სკაუტების კომპლექსში, რომელსაც გააჩნია ყველა საჭირო ინფრასტრუქტურა და უზრუნველყოფილია შესაბამისი უსაფრთხოების ნორმებით.

პროექტი გათვლილია 15-18 წლის ახალგაზრდებზე.

15 წლის შემთხვევაში რეგისტრაცია აუცილებელია, აღნიშნულ ლინკზე - https://forms.gle/yhqx1nw8WX2KBE4k9