re:educate გიწვევს 5-დღიან საგანმანათლებლო ბანაკში თელავში, რომელიც ჩატარდება 3–7 ივლისს.

ბანაკის განმავლობაში მონაწილეები პრაქტიკულად ისწავლიან AI ინსტრუმენტების გამოყენებას იდეის დამუშავებისთვის, ვებგვერდის სტრუქტურის დაგეგმვას, landing page-ის აწყობას, ტექსტების შექმნას, ფოტო და ვიდეო კონტენტის მომზადებას და საბოლოო პროექტის პრეზენტაციას.

პროგრამა განკუთვნილია 14-29 წლის ახალგაზრდებისთვის, რომლებიც დაინტერესებულნი არიან ტექნოლოგიებით, ვებდეველოპმენტით, დიზაინით, კონტენტის შექმნითა და AI ინსტრუმენტებით. წინასწარი გამოცდილება აუცილებელი არ არის, მთავარია მოტივაცია და სწავლის სურვილი.

ბანაკის ბოლოს თითოეული მონაწილე შექმნის საკუთარ ინდივიდუალურ publish-ready landing page-ს, რომელიც შევსებული იქნება AI-ის დახმარებით შექმნილი ტექსტური და ვიზუალური მასალით. მონაწილეებს ასევე გადაეცემათ სერტიფიკატები.

პროექტში შედის ტრანსპორტირება, სასტუმროში განთავსება, 3-ჯერადი კვება, აუზი და გასართობი აქტივობები.

რეგისტრაცია და შერჩევა:

თუ ხარ 14-დან 15 წლამდე, რეგისტრაცია გაიარე მითითებული Forms-ის ლინკზე - https://forms.gle/ceniW1GT72ritTzj6

თუ ხარ 16-დან 29 წლამდე, პროექტში მონაწილეობის მისაღებად მოთხოვნა უნდა გამოაგზავნო ვებ-საიტის Youthtbilisi.ge მეშვეობით, ღილაკზე "დარეგისტრირდი მონაწილედ“ დაკლიკებით.

ორივე ასაკობრივი ჯგუფის კანდიდატებმა, რეგისტრაციის მოთხოვნის გამოგზავნის შემდეგ, 21 ივნისის 23:59 საათამდე უნდა გამოაგზავნონ 200-სიტყვიანი სამოტივაციო წერილი ელ-ფოსტაზე:

[email protected]

მეილის Subject line-ში მიუთითეთ:

სახელი გვარი - ხელოვნური ინტელექტის ბანაკი - re:educate

მონაწილეობისთვის აუცილებელია მონაწილე იყოს თბილისში რეგისტრირებული. მონაწილეები შეირჩევიან სამოტივაციო წერილის საფუძველზე. წერილში მოკლედ აღწერეთ, რატომ გსურთ ბანაკში მონაწილეობა, რა ინტერესი გაქვთ AI ინსტრუმენტების მიმართ და როგორ გამოიყენებთ მიღებულ ცოდნას მომავალში.

დარეგისტრირდი და გამოიყენე AI შენი პირველი ციფრული პროდუქტის შესაქმნელად.