დარეგისტრირდი საიტზე როგორც მოხალისე, შექმენი შენი პროფილი და ჩაერთე სხვადასხვა ორგანიზაციის მიერ შემოთავაზებულ აქტივობებში ღილაკზე თითის ერთი დაჭერით!

პროექტები

კარტინგი

კარტინგის აქტივობა თბილისში &ldquo;ლისი ლემანსში&rdquo; რამდენიმე ნაკადად წარიმართება და ასობით ახალგაზრდას მისცემს შესაძლებლობას დაკავდეს არამხოლოდ კარტინგით, არამედ ბილიარდით, მაგიდის ჩოგბურთითა და ტირით.
აქტივობაში ჩართვა შესაძლებელია 18-29 წლის თბილისში მცხოვრები ახალგაზრდებისათვის.
კარტინგზე რეგისტრაციის ბოლო ვადა 7 ივლისის 23:59 საათია, რეგისტრირებული მონაწილეები სერვისით სარგებლობას ეტაპობრივად, 20 ივნისიდან 20 ივლისამდე, 18:00 - 21:00 საათების შუალედში შეძლებენ.
მონაწილეობისათვის საჭიროა პირადი პროფილის შექმნა ვებ-საიტზე Youthtbilisi.ge, პროფილის შევსება და აქტივობაზე რეგისტრაცია ღილაკზე &ldquo;დარეგისტრირდი მონაწილედ&rdquo; დაკლიკებით. პროექტზე მონაწილეობის მოთხოვნის გამოგზავნის შემდეგ, ინფორმაციას მოთხოვნის დადასტურების/უარყოფის შესახებ მიიღებთ ელ-ფოსტის მეშვეობით.
რეგისტრირებულ ახალგაზრდებს პროგრამის წარმომადგენელი თავად დაეკონტაქტება და შესთავაზებს პროგრამით სარგებლობის თარიღს.
რეგისტრაციის მოთხოვნის გამოგზავნამდე დარწმუნდით, რომ სრულყოფილად შეავსეთ თქვენი Youthtbilisi.ge-ს პროფილი.
აქტივობა ხორციელდება &ldquo;საზაფხულო პროგრამები 2024-ის&rdquo; ფარგლებში.
საზაფხულო პროგრამები თბილისის სპორტისა და ახალგაზრდობის ცენტრის მიერ თბილისის მერიის მხარდაჭერით ყოველ ზაფხულს ტარდება და ათასობით ახალგაზრდას აძლევს შესაძლებლობას სრულიად უსასყიდლოდ ჩაერთონ სპორტულ რეკრეაციულ აქტივობებში.
პროექტზე პასუხისმგებელი პირი : ლევან ნადირაძე
ტელ: 555527777

ახალგაზრდა ინოვატორთა ბანაკი

ახალგაზრდებში ინოვაციური სამეწარმეო იდეების განვითარების ხელშეწყობის მიზნით 3 სექტემბრიდან 7 სექტემბრის შუალედში ჩატარდება &ldquo;ახალგაზრდა ინოვატორთა ბანაკი&ldquo;, რომელიც აქტიურ ახალგაზრდებს გააერთიანებს.
ბანაკის ფარგლებში სამეწარმეო იდეის განვითარების შესაძლებლობა ექნებათ მეწარმეობით დაინტერესებულ ახალგაზრდებს, სადაც ისინი გაეცნობიან ინოვაციური იდეიის შექმნისთვის და მართვისთვის აუცილებელ საკითხებს. შემაჯამებელ შეხვედრაზე მონაწილეები წარმოადგენენ ბიზნეს მოდელის მიხედვით შემუშავებულ სამეწარმეო იდეებს.
ბანაკი 5 დღისა და4 ღამის განმავლობაში გაგრძელდება, იგი დატვირთული იქნება როგორც საგანმანათლებლო ისე სპორტული აქტივობებით.
ბანაკში ჩართვა შესაძლებელია 18-29 წლის თბილისში მცხოვრები ახალგაზრდებისათვის. რეგისტრაციის პროცესი მოიცავს ორ კომპონენტს:
1.რეგისტრაცია - პროექტზე მონაწილეობის მოთხოვნის გამოგზავნა ვებ-საიტის Youthtbilisi.ge-ს მეშვეობით (ღილაკზე &ldquo;დარეგისტრირდი მონაწილედ&rdquo; დაკლიკებით).
2.სამოტივაციო წერილი - მოთხოვნის გამოგზავნის შემდეგ კანდიდატებმა 7 ივლისის 23:59 საათამდე უნდა გადმოაგზავნონ სამოტივაციო წერილი 500 სიტყვის მოცულობით ელ-ფოსტაზე: Tbilisisyc@gmail.com (Subject line: სახელი გვარი ახალგაზრდა ინოვატორთა ბანაკი)
აქტივობაში ჩართვის მოთხოვნის დადასტურების/უარყოფის შესახებ ინფორმაციას რეგისტრირებული პირები ელ-ფოსტის მეშვეობით 20 ივლისამდე მიიღებენ. შერჩეულ ახალგაზრდებს პროგრამის წარმომადგენელები თავად დაეკონტაქტებიან და მიაწვდიან ტექნიკურ ინფორმაციას ბანაკთან დაკავშირებით.
რეგისტრაციის მოთხოვნის გამოგზავნამდე დარწმუნდით, რომ სრულყოფილად შეავსეთ თქვენი Youthtbilisi.ge-ს პროფილი.
რეგისტრაციის ბოლო ვადაა 7 ივლისის 23:59 საათი.
აქტივობა ხორციელდება &ldquo;საზაფხულო პროგრამები 2024-ის&rdquo; ფარგლებში.
საზაფხულო პროგრამები თბილისის სპორტისა და ახალგაზრდობის ცენტრის მიერ თბილისის მერიის მხარდაჭერით ყოველ ზაფხულს ტარდება და ათასობით ახალგაზრდას აძლევს შესაძლებლობას სრულიად უსასყიდლოდ ჩაერთონ სპორტულ რეკრეაციულ აქტივობებში.
პროექტზე პასუხისმგებელი პირი: ზაზა ზაზანაშვილი
ტელ: 555450085

"Find Yourself in Volunteering - იპოვე შენი თავი მოხალისეობაში"

თუ გსურს გაიგო მეტი მოხალისეობრივი საქმიანობის შესახებ არ გამოტოვო შესაძლებლობა ჩაერთო TSYC-ის &bdquo;Find Yourself in Volunteering&ldquo;-ში!
თბილისის სპორტისა და ახალგაზრდობის ცენტრი აცხადებს მონაწილეთა მიღებას პროექტზე: "Find Yourself in Volunteering - იპოვე შენი თავი მოხალისეობაში", რომელიც გაიმართება სამშაბათს, 30 ივლისს 16:00 სთ&ndash;ზე.
შეხვედრის მიზანია უცხოელი მოხალისეების ჩართულობით და საკუთარი გამოცდილების გაზიარებით ახალგაზრდები გაეცნონ მოხალისეობრივ საქმიანობას, მისთვის დამახასიათებელ სპეციფიკას და აიმაღლონ ცნობიერება ამ მიმართულებით.
Find Yourself in Volunteering - ში მონაწილეობის მიღება შეუძლია თბილისში მცხოვრებ 18-29 წლის ახალგაზრდებს.
შეხვედრას გაუძღვებიან Erasmus + პროგრამის ფარგლებში საქართველოში ჩამოსული ფრანგი მოხალისეები;
შეხვედრა ჩატარდება თბილისის სპორტისა და ახალგაზრდობის ცენტრის ოფისში;
პროექტის ბოლოს გაიცემა მონაწილეობის დამადასტურებელი ელექტრონული სერტიფიკატები;
შეხვედრაში მონაწილეობის მსურველებმა უნდა გაიარონ რეგისტრაცია არაუგვიანეს 28 ივლისის 23:59 საათისა ჩვენს ოფიციალურ ვებ-გვერდზე;
გისურვებთ წარმატებებს !

ზამთრის ახალგაზრდული ბანაკი - "მართვის ფსიქოლოგია"

ახალგაზრდებში ლიდერობისა და ორგანიზაციული კულტურის განვითარების ხელშეწყობის მიზნით 2025 წლის 26 თებერვლიდან 1 მარტის შუალედში ჩატარდება ზამთრის ახალგაზრდული ბანაკი - "მართვის ფსიქოლოგია," რომელიც აქტიურ ახალგაზრდებს გააერთიანებს.
ბანაკის ფარგლებში ახალგაზრდები გაეცნობიან შემდეგ თემებს:
<ul>
<li>მართვის პროცესი;</li>
<li>ორგანიზაციული კულტურა და სტრუქტურა;</li>
<li>გუნდის შექმნა, მოტივაცია და განვითარების ხელშეწყობა;</li>
<li>ლიდერი და ლიდერობა;</li>
<li>დროის მართვის ტექნიკები;</li>
<li>კომუნიკაცია: დარწმუნება და დელეგირება;</li>
<li>ვარაუდების განხილვა, კონფლიქტის და რისკების მართვა;</li>
<li>გადაწყვეტილების მიღება;</li>
<li>ცვლილებების მართვა და კონტროლი.</li>
</ul>
ბანაკში ჩართვა შესაძლებელია 18-25 წლის თბილისში მცხოვრები ახალგაზრდებისათვის. რეგისტრაციის პროცესი მოიცავს ორ კომპონენტს:
1. რეგისტრაცია - პროექტზე მონაწილეობის მოთხოვნის გამოგზავნა ვებ-საიტის Youthtbilisi.ge-ს მეშვეობით (ღილაკზე &ldquo;დარეგისტრირდი მონაწილედ&rdquo; დაკლიკებით).
2. სამოტივაციო წერილი - მოთხოვნის გამოგზავნის შემდეგ კანდიდატებმა 1 თებერვლის 23:59 საათამდე უნდა გადმოაგზავნონ სამოტივაციო წერილი 200 სიტყვის მოცულობით ელ-ფოსტაზე: info@youthtbilisi.ge (Subject line: სახელი გვარი ზამთრის ახალგაზრდული ბანაკი - "მართვის ფსიქოლოგია")
აქტივობაში ჩართვის მოთხოვნის დადასტურების/უარყოფის შესახებ ინფორმაციას რეგისტრირებული პირები ელ-ფოსტის მეშვეობით 10 თებერვლამდე მიიღებენ.
შერჩეულ ახალგაზრდებს პროგრამის წარმომადგენელები თავად დაეკონტაქტებიან და მიაწვდიან ტექნიკურ ინფორმაციას ბანაკთან დაკავშირებით.
რეგისტრაციის მოთხოვნის გამოგზავნამდე დარწმუნდით, რომ სრულყოფილად შეავსეთ თქვენი Youthtbilisi.ge-ს პროფილი.

სპორტი

მოხალისეობა

განათლება

რეკრეაცია

ტექნოლოგიები

არაფორმალური განათლება

ლაშქრობა

ეკო აქტივიზმი

გენდერული თანასწორობა

გაცვლითი პროგრამები

ბანაკები

ჯანმრთელობა

ინგლისური

ქართული

მანანა კლდიაშვილი

იხილე აქტიური ახალგაზრდების პროფილები, რომლებიც მზად არიან მიიღონ მონაწილეობა სხვადასხვა, პოზიტიური ცვლილების შექმნისაკენ მიმართულ აქტივობებში!

მანანა კლდიაშვილი

ზოგადი ინფორმაცია

ჩემს შესახებ

ინტერესები

გამოცდილება

კარტინგი

ახალგაზრდა ინოვატორთა ბანაკი

"Find Yourself in Volunteering - იპოვე შენი თავი მოხალისეობაში"

ზამთრის ახალგაზრდული ბანაკი - "მართვის ფსიქოლოგია"