მისია და მიზნები
„თბილისის ახალგაზრდული ცენტრების გაერთიანების“ მისიაა ახალგაზრდების მხარდაჭერა, რათა უზრუნველყოფილი იქნას მათი ინტელექტუალური პოტენციალის და უნარების რეალიზება, რაც დაეხმარება მათ საზოგადოებაში ღირსეული ადგილის დამკვიდრებაში.
აღნიშნული მისიის განსახორციელებლად, ცენტრის მიზნებია: მუნიციპალურ ახალგაზრდულ პროგრამებთან წვდომის ხელშეწყობა, საერთაშორისო პროგრამებში მონაწილეობის მხარდაჭერა, არაფორმალური განათლებისა და სპორტულ პროგრამების ხელმისაწვდომობა, მოხალისეობის ინსტიტუტის გაძლიერება, ახალგაზრდებისთვის დამატებითი სივრცის შექმნა.
საქმიანობის სტრატეგიული მიმართულებები და პროგრამები
ა(ა)იპ „თბილისის ახალგაზრდული ცენტრების გაერთიანების“ პროგრამული მიმართულებებია:
1. საერთაშორისო თანამშრომლობის პროგრამა;
2. არაფორმალური განათლების პროგრამა (ტრენინგ-ცენტრი, ახალგაზრდული ბანაკები/საზაფხულო სკოლები);
3. პროგრამა: „მერიასთან ერთად“;
4. მოხალისეობრივი საქმიანობის მხარდაჭერის პროგრამა;
5. მასობრივი სპორტისა და ჯანსაღი ცხოვრების წესის პოპულარიზაცია;
6. ადგილობრივ ახალგაზრდულ ორგანიზაციებთან ურთიერთობა;
7. სპეციალური საჭიროებების მქონე ახალგაზრდების მხარდაჭერა.
ფონიჭალის ახალგაზრდული ცენტრი
ცენტრის მისიაა ახალგაზრდების ინტელექტუალური პოტენციალისა და უნარ-ჩვევების რეალიზება, პროფესიული და კარიერული ზრდის ხელშეწყობა, არაფორმარული საგანმანათლებლო პროგრამების შემუშავება და მათში ახალგაზრდების ჩართვა.
ცენტრში მიმდინარეობს უფასო სასწავლო კურსები:
-
IT ინჟინერია - კომპიუტერის აგებულების, აქსესუარებისა და დანიშნულების, დაშლა - აწყობის, გაუმართაობის მიზეზების დადგენის, პროგრამული გამართვის, საოფისე პროგრამების: Windows , Word , Excel , PowerPoint, Internet-Outlook, ქსელის აწყობის, პროგრამების წერის სწავლება ახალგაზრდებისთვის.
-
გრაფიკა - ახალგაზრდებისთვის ტილოზე და ქაღალდზე ხატვის (ზეთოვანი და გოაშეს საღებავებით) გრაფიკული პროგრამების:(Corel, Adobe photoshop, 3d max) სამონტაჟო და ეფექტის პროგრამების (adobe After effects adobe Premiere pro) სწავლება.
-
სამოქალაქო განათლების კურსი
-
ჭადრაკი - სამოყვარულო და პროფესიონალურ დონეზე
-
ინგლისური ენა
-
დიჯეის მომზადება, დიჯეის აპარატურის გამართვისა და დაკვრის სწავლება
-
ხელნაკეთი ნივთების დამზადება - ქაღალდის, მინის, ხის და სხვა მასალებზე მუშაობა
სასწავლო კურსების გარდა ცენტრის სერვისებში შედის:
-
კინოკლუბი
-
ტრენინგ და საკონფერენციო სივრცეები
-
სპორტული დარბაზი
ცენტრის სერვისებით სარგებლობა ახალგაზრდული და ახალგაზრდებთან მომუშავე ორგანიზაციებისთვის უფასოა!
სამიზნე აუდიოტორია და ბენეფიციარები
დედაქალაქში მცხოვრები ახალგაზრდები (16-29 ასაკის), დედაქალაქში მოქმედი ახალგაზრდული რეგისტრირებული ან/და არარეგისტრირებული კავშირები, მოხალისეობრივი საქმიანობით დაკავებული ახალგაზრდები, ტრენინგ-ცენტრები.
ცენტრის პროგრამები ხელმისაწვდომია, როგორც ინდივიდუალური, ასევე საერთო ინტერესების გარშემო გაერთიანებული ახალგაზრდებისთვის და ახალგაზრდებზე მომუშავე ორგანიზაციებისთვის.